Pars Today

Siyonist rejimi qıləy siyasi expert votışe: çı Myanma mısılmonon ğətliamədə Telaviv oşkorə rolış heste.

Bə Əlğuds-Ələrəbi internetiyə sayti raporti əsos qenosidi barədə koşınas Profesor Yaeir Oron qıləy raportədə elanış kardə: siyonist rejim çand sore ki Myanmaədə hakimə partiya cinoyəton ijən Ruhənqiyavıjə mısılmonon ğətliamiku oğoe və bə ım kişvər siloh həvotedə.

Oron həminə cinoyətonış çı qenosidi oşkorə nımunə və misdağ hisobış kardə və votışe: çı siyonist rejimi canq vəzir Aviqdor Libermən cəhd kardə ta ıştəni ım faciə və cinoyətədə beqıno nışo bedə.

Im koşınas ijən təkid kardə ki: Telaviv həmçınan bə Myanma siloh həvote dəvom dodə ijən çəy vəy qete pidəş ni boçi ki ım prossesi dəvomi bə ım rejimi əmniyyət və sənaye foydə və mənafe hisob kardedə.

Myanma ğərbədə bıə Raxin ostani Rohinqiyavıjə mısılmonon nəsli məhv karde dəvomədə tojədən ım kişvəri hərbiyon bə 500 nəfər nezi məzlum iyən bepənohə mısılmonon ğətliam kardeşone.

İ bıə Milləton Təşkilat həm elanış kardə ki Myanmaədə bə Rohinqiyavıjə mısılmonon zidd cinoyəton nəticəku  bə 400 həzo nəfər nezi Ruhinqiyavıjə mısılmonon bə Bənqladeş avarə bıən.