Pars Today

İraği xarıci vəzarətxanə qıləy rəsmi bəyoniyə vasitə Bəğdadədə çı Tırkiyə və İroni səfarətxanəonku tələbış kardə ki de İraği Kırdıston məntəğə həmmə mıvcudə sərhəddon tətil bıkən ijən de ım məntəğə harcurnə ticari-iğtisodi həmkari ğədəğən elan bıbu.

Bə Təsnim aqentiyəti raporti əsos İraği xarıci vəzarətxanə sıxənəvot Əhməd Məhcub elanış kardə ki ım ğərol və muzakirəon detos bə zəmon ki sərhəddon mudiriyət bə İraği mərkəziyə dıvlət doe məbu dəvomış heste.

Məhcub ijən de Ərbil harcurnə natiyə mıbodilə və ğərordadon vəy qəte tələbış kardə və votışe: bo lozimə tədbiron dəvoniyəro İron, Tırkiyə və İraği miyono həmkarion həmçınan dəvom peydo bəkay.

İraği Kırdıston məntəğədə çı Məsud Barezani tərəfdaron ıştən bə sə referendumi bəpeştə ısət İraği mərkəziyə dıvlət və ım məntəğə Kırdıstoni rəsmi şəxson miyono ixtilafon ciddi bıə.