Pars Today

Yəməni Ənsarullah Hərəkati sıxənəvot Muhəmməd Əbdusəlam votışe: çı Yəməni navnə prezident Əli Əbdullah Salehi xiyonət karde plani İ Bıə Ərəbon Əmirəti kəşəş be.

Bə Əlaləm raporti əsos Yəməni Ənsarullah Hərəkati sıxənəvot bə Əli Əbdullah Saleh iyən İ Bıə Ərəbon Əmirti rəsmi şəxson miyono siriyə məktəbon işorəş kardə ijən votışe: təcavozkaron Yəməni daxıliyə bohranonədə fitnəon otəşi rost karde sayədə məntəğədə çı Amerkə huzuri zumand kardero cəhd kardən.

Əbdusəlam bə İ Bıə Ərəbon Əmirti rəsmi şəxson tərəfo hərəkəton iyən cəhdon Əli Əbdollah Saleh və Səudi Ərəbistoni miyono mıloğati dəvoniyə əlovəş kardə: Əli Əbdollah Saleh de Yəməni Ənsarullah Hərəkati rabitəon ğət kardəş be ijən vey niqəran əkə hərəkəton və planon dumo karde holədə be.

Yəməni Ənsaroullah Hərəkati sıxənəvot çı Yəməni xalığ konqres partiya tərəfo harcurnə ehtımaliyə xətərnakə plani barədə xəbə dorətiş do ijən təsdiğ kardə: çı Yəməni milliyə nicot dıvlət de ım partiya koməki, təcavozkarə deşmənon vəy qətə məğsədışone.

Muhəmməd Əbdusəlam çımiku bə nav həm bə milləti huşin mande təkid kardə bıə be ta çı deşməni hillə və məkri vədə oğo bıbun ta hiç təcavozkardə ğıvvə ım kişvərədə ixtilafon donə kaşteyro fırsətış məbu.

Əv ijən çı kuç əkə toyfəon yolon iyən şəxsiyətonku jığo xətərnakə plani vədə mandero ğədrdontiş kardə.

Yəməni kişvəri vəzarətxanə zinə qıləy bəyaniyədə çın kişvəri navnə prezident Əli Əbdollah Saleh kışteyku xəbəş do.