Pakistoni hərbiyə ğıvvon sıxənəvot: İron və Pakistoni miyono sərhəd bə sulh iyən dustiyə məntəğə əvəz bəbe.

Pakistoni hərbiyə ğıvvon sıxənəvot təkidış kardə: İron və Pakistoni miyono sərhəddon məntəğədə de həğiğiyə məno bənə sulh və dusti sərhəd əvəz bəbe.

Bə İrna raporti əsos Asef Ğəfur bə İron və Pakistoni miyonp mıştərəkə bərnoməon sərhəddi bo sulhinə vırə əvəz kardero işorəş kardə ijən votışe: tojə sərhəddiyə məntəğəon bo İron və Pakistoni şəhrvandon şe omə rohət kardero icod bəbe.

İron və Pakiston bənə 2 qılə hamsuyə və dustə kişvər terrorist və xərob əkə radikaliston və co nimə hərbi qrupon fəaliyəti vəy qəteyro bənə stratejikə həmkari bə sərhəddi kontrol və əmn karde fik kardən.

Dəvardə soron mıddətdə çand kərə Pakistoni zəminiku terroriston bə İroni sərhədd və bəzi sərhəddiyə məntəğəon huccum kardən ki İroni şəhrvandon iyən hərbion şəhodəti bois bıə.

İjən xəbə omə ki bo sərhəddiyə məntəğəon əmniyyəti təmin kardero İrvan və Pakistan həvoiyə əməliyaton bino bıkan.