Barezani: İraği Kırdon iyən Bəğdad dıvləti miyono ciddiyə votımonon omə haftəku bino bəbe.
İraği Kırdıston məntəğə məhəliyə idarə rəis elanış kardə: Davos iclosi kənoədə ijən de İraği i minə vəzir Heydər Əl-İbadi muzakirə karde bəpeştə Ərbil, Bəğdadi miyono çı nat, airport iyən koəkəyon maşi barde ciddiyə muzakirəon omə haftəku bino bəbe.
Bə Kırd Peres raporti əsos Niçirvan Barezani ijən votışe: bo ixtilafon həl kardero de Heydər Əl-İbadi vey çokə muzakirəon əncom be.
Əv ijən bə Bəğdad-Ərbili miyono ciddiyə problemon işorəş kardə ki rə həl nibəbe əmmo təkidış kardə ki bəzi mıvzoon parlamentiyə səçıni bə nav həl bəbe.
Xəbə omə ki məvuji İraği Kırdıston məntəğə rəsmi şəxson təsdiğ kardən ki ım məntəğədə istihsol bıə nati tam bə Bəğdadi dıvlət təhvil bedon ta çı Kırdon problemon həl karde kənoədə İraği budcə nırəse həl bıkoy.
Çəy bəpeştə ki İraği federativ aliyə məhkəmə Kırdıston məntəğədə ıştən bə sə referendomi nəticə ləğvış kardə ısət Ərbil-Bəğdad ıştə ixtilafon həl karde fikədən.
