İrağçi: İroni ətomiyə təvafuği vədə mandero Trampi siyasəton, beynəl xalğ iştimaiyəti vədə mande mənodəy.
Londonədə İroni xarıci vəziri moavin təsdiğ kardə ki ətomiyə təvafuği icra nıkarde vasitə Amerkə prezident umum iştimaiyəti vədə mandedə.
Bə İrna raporti əsos Seyed Əbbas İrağçi İroni ətomiyə təvafuği məhv karde sahədə bə Amerkə prezidenti siyasəton məğlubiyət işorəş kardə ijən votışe: i sor çı Trampi prezidentəti dıvrə bə oxo rəse bəpeştə hələ həm əv ım təvafuği çand poə kardəş ni.
Əv bə ım təvafuği peştədə dınyo umum iştimaiyəti huzur ijən təvafuği dılədə ğeyd bıə zumandə noğtəon işorəş kardə iyən votışe: Amerkə ısət dınyoədə vey bə təcrid mandə.
İrağçi bə Amerkə və Avropa miyono həmohənqion ijən ətomiyə təvafuği barədə çı Avropa vindımon həm jıqo işorəş kardə ki Avropa və Amerkə miyono məslehətiyə icloson qıləy adi məsələy.
İroni xarıci vəziri siyasi moavin İroni ətomiyə təvafuği hifz karde çı həmmə kişvəron vəzifə və məsuliyət zınəş be.
Tojədən İnqeltradə İroni səfir Həmid Bəidinejad həm bə Tehron-Londoni miyono mıştərək vindımon ətomiyə təvafuği oqəte barde işorəş kardə və votışe be: İroni ətomiyə təvafuği barde Amerkə və Avropa miyono ixtilafon ciddiye.
