De terrorizm mubarizə bardero Asiya kişvəron miyono həmkari lozime.
İroni milli əmniyyət aliyə şura sərkatib məntəğədə de terrorizm mubarizə bardero bə Asiyavıjə kişvəron miyono həmkarion əhəmmiyət təkidış kardə.
Əli Şəmxani ki Soçiədə əmniyyəti iclosədə iştirokış kardə bebə jurnaliston votışe: Amerkə ısət Suriyə və İrağiku terroriston bə İrağ ovıştoniyə fikədəy çən əmə həm bəbe de terrorizm mubarizə barədəro mısbətə əloğəon xoto Asiyavıjə kişvəron həmkarion domoədə bebəmon.
İroni milli əmniyyət aliyə şura sərkatib bə Soçi iclosədə çı İroni təklifonku istiğbol karde işorəş kardə və votışe: Soçi iclosədə məntəğədə terrorizmi hevujəti iyən çoknədəy muğabilə karde, ım sahədə xərcon və puliyə koməkon ətomiyə təvafuğ iyən xarıci kişvəron cəhd məntəğədə noəmnə vəziyəti icod karde barədə sohbət və muzakirə bıə.
Dınyo 5 qılə ğarəon ali əmniyyətiyə rəsmi şəxson 9-nə iclos ımruj Rusiyədə səbe.
