sioniston təşkil doə hucumon cəvobədə Suriyə 68 qılə rəketış bə işğal bə sərzəminon tərəf ğandışe.
Xəbəriyə mənbəon bomiyə şohidon yolə tıpımonon otəş qəte iyən ciddiyə holətədə imdodiyə maşinon şe omeşon işğaliyə colanı çanqılə muhimə hərbiyə mərkəzədə təsdiğışon kardə.
sionist rejimi hərbiyə mərkəzon işğalbə colanı barzə məntəğon ımruj de Suriyə rəketinə hucumon dim bə dim bən.
sionist rejimi silahlinə ğıvvə sıxanəvot ğandə bə rəketonış 20 qılə elan kardə və iddaş kardə bəzionışon həvoədə tıpniyəşone əmmo mıstəğilə mənbəon rəketon ədədışon 68 qılə elanışon kardə.
Əlməyadin kanal texnoloqiya iyən elektronikə cəsusiyə hərbiyə fərmondoə mərkəz iyən de şikilon cəm karde vasitə məlumat bə dast vardə mərkəz dəğiğ əjənə silahon poston hərbiyə vertəliyoton aeroport izraili silahlinə ğıvvon 810 qrupi məntəğə hərbion fərmonədə mərkəz Hermon nomo bıə hərbiyə qrupi fərmondə mərkəz iyən Əlşetoy nomo bıə mərkəz ki zımsoniyə canqonru məxsusə qrupi mərkəz heste mincumlə Suriyə rəketinə hucumon hədəfonku elan bə.
Əlməyadin kanal eyne holədə xəbəş do sionist rejim həmməku tələbış kardə rəketinə hucumonədə hədəf qətə bıə vıron nomi oşko nıkən.
Əlaləm kanal həm xəbəş doə Suriyə işğal bə colanədə muhimmə hərbiyə mərkəzonış hədəf qətə və işğalqərə rejimış sərqərdon kardə.
bə ım xəbon əsosi işğaliyə colanədə 2 tərəf zumandə səfışon təşkil doə izrailı tankon hərəkət karde holədə hestin və sionist rejimi cəsusiyə təyarəon bə osmon rost bən.
ımruj sıb həm çandə qılə rəket Suriyə paytəxt dəməşğı mıxtəlif məntəğonış lorzıniyə və çəy sədo dəməşğı həmmə vıronədə bə qoş rəsə.
Suriyə silahlinə ğıvvon sionist rejimi tərəfo can qılə ğandə bə rəketış həvoədə tıpniyəşe.
Suriyə bə işğaliyə colanı zid rəketinə hucumi bəpeştə sionist rejim de artileriya bə Suriyə Əlğonəytərə məntəğə Əlbes şəhri hucumış bardə.