Qeneral Mayor Bağıri səfərədə 2 tərəfi, məntəğə və islam dınyo mıvzoon təğib iyən çəvon barədə sohbət bedə.

İroni silohinə ğıvvon beynəl xalğ və xarıci rabitəon moavin Pakistonədə İroni həmmə silohinə ğıvvon ğərorqo rəisi səfəri hədəfi bə Pakiston, sərhədiyə mıvzoon, 2 tərəfi və islam dınyo məsələon elanış karde.

Qeneral Ğədir Nezami ım səfəri hədəfon barədə votışe: İron və Pakiston bə mudafiə həmmə tərəfinə həmkarion inkişofi fik kardedən.

Əv İronvə Pakistoni silohinə miyono əloğəon bə inkişofi tərəf zınəş be və votışe: ısətnə şərayetədə hərbi rəsmi şəxson miyono votımon karde bəznə İron-İslam Abadi miyono əloğəon inkişofi bois bıbu.

İroni silohinə ğıvvon beynəl xalğ və xarıci rabitəon moavin həmçınin təkidış karde ki həminə iradəon sayədə taleədə ğərolon karde bəzne 2 tərəfiyə inkişofi roədə istifodə bıbu.

Tojədən Pikənədə bıə sulh beynəl xalğiyə iclosi kənoədə Pakistoni navnə i minə vəzir Şokət Əziz İron və Pakistoni miyono əloğəon stratejikə və nığıl vəsfış karde və votışe: 2 tərəf bo həmkarion inkişof doero vey zərfiyətonışone.

Əv İronış bənə qıləy rişə dorəkanə kişvər zınəş be ki Pakiston karde bəzne həmmə tərəfinə siyasi və iğtisodiyə əloğəon sayədə de İron həmkari bıkə.

Əv ətom sulhinə enerjiku istifodə karde bənə həmmə kişvəron çı İroni həx zınəş be və ətomiyə təvafuği barədə həm votışe: İron və ətom enerji beynəl xalğiyə təşkilati miyono həmkarion vey çokə səviyədə dəvom peydo kardedə ki ım İroni ətom sazışi ojə-oşko foydəin be əlomət dore.