İroni xarıci vəzir de Pakistoni 1-nə vəziri videmonış kardə.
İron İslam Respublika xarıci vəzir de Pakistoni tojə 1-nə vəzir vindemon və sohbətış kardə.
Muhəmməd Cəvad Zərif və Umran Xan zinə İslam Abadədə de işorə bə muxtəlifə sahəonədə əcumlə marzi, ticari və iğtisodi baxşonədə İron və Pakistoni rabitəon inkişof və zumandəti əhəmiyət, ojən islam dınyo və məntəğə məsələon barədə islamiyə kişvəron nezə həmkarion lozim bey təkid kardeşone.
Im vindemonədə İroni xarıci vəzir və Pakistoni i-nə vəzir ijən bo məntəğə həmmə kişvəronədə sulh və stabiləti ğoym karde həmçınin de radikalizm və terrorizm mubarizə bardey xoto, cəhdon lozim bey təkid kardeşone.
İroni xarıci vəziri pencşambə əsr, de ali heyəti bə ico de Pakistoni tojə dıvləti rəsmi şəxson vındemon karde, və 2 qılə kişvəri miyono həmkarion zumandəti və inkişofış doe niyyəti xoto, bə İslam Abad varid səfərış karde.
Zərif İslam Abadədə de Pakistoni ərtış zəmini ğıvvon fərmondə Ğəmər Cavid Bacva, milliyə məclesi rəis Əsəd Ğeysər, Pakistoni xarıci vəzir Məxdom Şah Muhəmməd Ğorəyşi vindemon və 2 qılə kişvər, beynəl xalğ və məntəğə həmkarion həmçınin 2 tərəfiyə mınosibaton inkişof doe barədə sohbətış karde.
