İroniku bə İrağ rəket ovoştoniye barədə iddio rədd be.
İraği xarıci vəzarətxonə sıxənəvot zinə de bəyoniyə vositə İroni balıstik rəketon bə İrağ ovoştoniye iyən əvoni ım kişvərədə bə hərbi muğavimət qrupon doe barədə muntəşir bıə xəbəon, rəddış kardə.
Bə Mehr aqentiyəti zinə raporti əsos, İraği xarıci vəzarətxonə sıxənəvot Əhməd Əl-Məhbub votışe: İraği xarıci vəzarətxonə bə jığonə beəsosə iddio iyən raporton cəvob doe məcbur ni.
İroni xarıci vəzarətxonə sıxənəvot Bəhram Ğasımi həm tojə iddion, İraniku bə İrağ balıstik rəketon ovoştoniye rəddış kardə be və əvış qıləy xəyoli, beməno və məsxərə iddio zınəş be.
Bə Ğasımi votəyon əsos, İroni rəkrton bə İrağ ovoştoniye barədə xəbəon çı əsosiku due və fəğət məntəğə kişvəronədə tars icod karde məğsədi ijən İronfobiya siyasəton dəvomədə bəyon bıə.
Çı İroni rəket bərnomə barədə muzakirə karde xoto Fransə təklif bıə tələb iyən bo İraği dıvləti təşkil do tojə cəhdon həmzəmon, Ruyterz aqentiyəti iddioş kardə, İron bə İraği şiə qrupon rəke doəşe ki de ım koməki ısət əvon karde bəznın bə Telaviv və Ə-Riyad həmlə bıkon.
