Amerkə hərbiyə təyyarəon bə Suriyə Deyruzzur hucumədə 20 nəfər ğeyre hərbi şəhid bedən.
Nov 25, 2018 13:20 Asia/Tehran
De Amerkə rəhbərəti təşkil bə koalisiya zinə şanqonə hucumədə bə Suriyə şərğ Deyruzzur ostan 20 nəfər ğeyre hərbi kıştə bedən.
Bə Suriyə rəsmiyə aqentəti SANA xəbon əsosi de Amerkə rəhbərəti təcavuzkarə koalisiya hərbiyə təyyarəon bə Əbokəmalı ətrof Həcin şəhri ğeyre hərbiyə binaon hucum bardən .
ım aqentəti qıləy holədə ki bə ım hucumi yarəjəon ədədi işarəş kardə ni elanış kardə kıştə bə kəson miyonədə 9 qılə hırdən və 8 qılə jeni nom həm muşahidə bə.
Amerkə rəhbərətiədə təşkil bə koalisiya hərbiyə təyyarəon cumə ruji həm Deyruzzurı cənub şərğ hissə ətrof Əlşəfə mikrorəyoni həm bombardımon kardən ki nəticədə Suriyə şəhrvandonku 11 nəfər kıştə və çandə 10 nəfər həm yarəjə bedən.
