Amerkə zolımanə sanksiyaon İroni miləti səlomətədə mənfi təsironış bəbe.
İroni səhiyyə vəzir votışe: Amerkə tojə sanksiyaon bə İroni zəifə cəmaəton tib və dəvo-damon koməkon edaşte prossesədə bevəcə təsironış bəbe.
Seyed Həsən Ğazizade Haşemi zinə Hındostanədə, İndeon səlomət, hırdənon və hardemon beynəl xalğiyə iclosədə əlovəş karde: bəpe səhiyyə beynəl xalğiyə təşkilat de co onemonon və dıvləton bə ico həminə sanksiyaon vədə mane bıbun boçi ki ım sanksiyaon cəmaəti bə dəvo-damon iyən təbib texnoloqiyaon dast peydo karde meydonədə problemon icod bəkarde.
İroni səhiyyə vəzir dınyo təşkilaton iyən dıvlətonış bə de beədolətion mubarizə barədə dəvətış karde iyən tələbış karde ki bo inə və hırdənon səlomət və hardımoni ıştə pririvert ğəror bıdən.
Ğazizade Haşemi ım baxşədə İroni təcrubəon bə co kişvəron oştoniyəku xəbəş do və votışe: inə, hırdənon və korpəon səlomət baxşədə İron vey erjinə təcrubəonışe ki əvoni bə co kişvəron ovoştoniyə karde bəzne inəon və korpəon mardeku kam bıkə.
Əvım iclosi kənoədə de Hındostani səhiyyə vəzir vindemon və Amerkə sanksiyaon jentonədə bə siyasi, iğtisodi iyən mədəni əloğəon inkişof işorəş karde.
