İron bə sionist rejimi i-nə vəziri sıxənon reaksiya nışoş do.

İroni xarıci vəzarətxonə sıxənəvot votışe: bə İroni zidd sionist rejimi i-nə vəziri beədəb və behəyo sıxənon ki cəholət ya həzyoniku ğeyd bıə, qıləy yolə kişvəri bə hərbi əməliyaton təhdid karde hisob bıde, ki hukmən beynəl xalğ və huğuğiyə təşkilaton və icmaonədə təğib kardənine.

İroni xarıci vəzarətxonə sıxənəvot Bəhram Ğasımi zinə bə sionist rejimi i-nə vəzir Benyamin Netanyahu sıxənon ki İroni daxılədə nizomi əməliyoti əncom doe mımkin elanış kardə be reaksiya nışoş do iyən təkidış karde: İron mudafiə-hərbi zumandəti iyən milləti himoyədorəti anədə əzəmətine ki jığo ədovətkor və canqtəlləbə kırtəvindətion bənə həmişə ğeyri mımkin bəbe və əvoni ım curnə norohatə hani izho karde və melanxolik və noxəşətiku omə sıxənon bəyon kardeyku peşmon bəkardə.

Ğasımi sionist rejimi icod bey rişəş bə məntəğə kişvəron təhdid və təcavuzi əsos zınəş be və votışe: ım rejim ki Miyonə Şərğədə stabiləti və əmniyyəti məhv kardey muhimmə amile və muxtəlif cinoyət iyən canqi bois bıə, ısət behəyu və de du-təlbisi məntəğə stabiləti barədə niqərane!

İroni xarıci vəzarətxonə sıxənəvot təkidış kardə: İron İslam Respublika məntəğə sulh, stabiləti, əmniyyət, rifoh və zumandəti inkişof doe royku ım milləti və sərzəmini dışmenon bədə fikir və meyli benəticə bəkardə.