Amerkə prezdenti de İraği yolon vindımon karde ləğv be.

İraği 1 minnə vəziri ofisi elanış ka Amerkə prezdent Donald Trampi de İraği yolə rəsmi şəxson iclos və vindımon ım vindımoni çıcurə dəvoneyu ixtilafon xoto ləğv be.

Amerkə prezdent zinə şanqo qıləy elan nıbə səfərədə bə İraği ğərb Ələnbar ostani Eynuləsəd hərbiyə mərkəz daxil be.

Donald Tramp ım 3 saatə səfərədə qıləy holədə ki de İraği 1 minnə vəzir Adil Əbdulməhdi vindımonış nıkarde ım məmləkətış tərk ka.

sıpyəkə əmmo elanış ka Tramp ki xəbə nıdoə holətədə bə İraği ğərb daxil bə be ,de telefoni vositə de İraği 1 minnə vəzir Adil Əbdulməhdi votımonış dəvoniyə.

eyne holədə livani Əlməyadin TV kanaliku bə rəsə məlumaton əsosi İraği yolə rəsmi şəxson yəni 1 minnə vəzir,prezdent və parlamenti rəis Amerkə prezdent Donald Trampi tələbonış Ələnbar ostanədə Eynuləsəd hərbiyə mərkəzədə bə şəv vindımon dəvoneş rəd kardə.

Tramp hənzəman bə Eynuləsəd həvoiyə hərbiyə mərkəz daxil bə  vaxti votışe: heç qılə şərayetdə ğəsdış ni Amerkəvıjə ğıvvon irağiku xaric bıkə.