İŞİD Pakistanı Koveytə terroristiyə tıpımoni məsuliyətış bə qi qəte.
Apr 14, 2019 12:02 Asia/Tehran
İŞİD terroristiyə qrup zinə qıləy bəyonotədə Pakistanı Bəloçestan əyaləti mərkəz Koveytə şəhri terroristiyə tıpımoni məsuliyətış bə qi qəte.
Bə telerədyo aqentəti xəbon əsosi cumə ruji Pakistanı Koveytə şəhri qıləy vıjorədə maşini dılədə noə bə bomba tıpne nəticədə 20 nəfər kıştə və 50 nəfər həm yarəjə bedən.
İron İslam Respublika xarici koon vəzorətxonə sıxanəvot Bəhram Ğasımi cumə əsrə vaxti ım terroristiyə hucumi məhkum kardeədə de Pakistanı devlət və millət iyən ım cinayətdə kıştəbəkəson ailəon matəmədə ıştənış şərik zınə.