İron və Hindistani miyono əloğəon inkişof; Nuyə Dehliədə Zərifi vindemonon.
İroni xarıci vəzir ki de Hindistani rəsmi şəxson vindemon karde bə Nuyə Dehli varid bıə be de ım kişvəri xarıci vəzir muzakirəon bəpeştə votışe: vey sahəonədə 2 qılə kişvəri nəzəron həmohənqin.
Zərif de Soşma Soarac muzakirə karde bəpeştə jıqonə vindemonon bo Tehron Nuyə Dehli çok və foydəin iyən lazim zınəş be və votışe: ım vindemonədə ətomiyə sazışi barədə təkid be ki İron bəpe ım sazışi iğtisodi faydon iyən mənafeku istifodə bıkə və İroni tojə ğərolon sazışi çərçivədə be.
İroni xarıci vəzir de Hindistani rəsmi şəxson vindemonon cərəyonədə enerji, Çabəhar port, Əfğanıstoni təhəvolaton, 2 tərəfiyə əloğəon xusosi ticari barədə muzakirəş karde.
Xəbə ome həmzəman Nuyə Dehliədə İron və Hindistani 11 minə dıvrə iğtisadiyə mıştərik kamissiyə iclos həm 2 qılə kişvəri rəsmi şəxson tono bərpo be ta dəvardə muğavilə iyən həmkari sənədon ijən təğib karde kənoədə əloğəon tojə siyasəton barədə həm muzakirə bıbu.
İron və Hindistani miyono ticarəti miğdor har sor 17 milyard dollar ğeyd bıə.
Zərif Hindistaniku bə Yaponiya varid be.
