İron Pakistoni Kuveytə şəhrədə terroristiyə hadisə məhkumış karde, hadisə tələfot ziyod be.
May 25, 2019 23:53 Asia/Tehran
İroni xarıci vəzarətxonə sıxənəvot Pakistoni Kuveytə şəhri qıləy məçidonədə terroristiyə həmləş məhkumış karde və de ım hadisə ailəon ıştə həmdardi nışoş do.
Seyed Əbbas Mosəvi ım hadisə bə Pakistoni dıvlət və millət sə bə səlomtəti votışe və ım həmlə bənə ğeyri insoni cinoyət zınəş be.
Əv votışe: məntəğə və hamsoyə kişvəronku terrurizmi məhv karde xoto Pakistoni kənoədəy.
Xəbə ome ım həmlədə kıştə bıə kəson miğdor bə 5 nəfər rəsə; kıştə bıə kəson cəmədə ım şəhri Əlrəhmaniyə məçidi cumə nımoji xətib Moləvi Ətəl Rəhman həm heste.
Zinə çı Bəloçestan viloyəti Kuveytə məntəğə terroristiyə həmlədə 13 nəfər həm zəxmin bıən.
Mubarək rujə manqi bino beyku detosə ısət 4 qılə terroristiyə tepmon Pakistoni muxtəlif məntəğəonədə əncom bıə.
