İron və Pakistoni miyono parlamentiyə əloğəon.

İron və Pakistoni parlament dustiyə qrupi uzvon iyən Pakistoni milli məclesi rəis bə 2 tərəfi parlament əloğəon inkişof təkid kardışone.

Bə İrirb raporti əsos, İron və Pakistoni parlemant dustiyə qrupi uzvon  ki bə İslam Abad səfərışon karde ımruj de ım kişvəri milli məclesi rəis Əsəd Ğeysər vindemon karde cərəyonədə bə əloğəon hevujəti və 2 tərəfi həmkarion təkidışon karde.

2 tərəf islamiyə kişvəron əloğəon çərçivədə bə 2 qılə kişvəri miyono həmkarion vədə maneon peqəte zəruriyat işorəşon karde.

Im vindemonədə Əsəd Ğeysər votışe: İron çı Pakistoni muhimmə hamsuyəonku qıləy nie ki de əy əloğə oqəte bo Pakistoniro vey əhəmiyyətin nəzərdə qəte bıə.

Im səfəri bənav İron və Pakistoni parlemant dustiyə qrupi rəis Əhməd Əmir Abadi Fərahani bə Tehron-İslam Abadi miyono həmkarion zərfiyət işorəş karde və de təkid bə sərhəd iğtisadi əloğəon həmonə zərfiyətonış Amerkə sanksiyaon be əsər karde xoto vey təsirin zınəş be.

Əv bə İron və Pakistoni həmkarion dılədə kali kişvəron problem ığande işorəş karde və votışe: əmniyyəti həmkarion vasitə 2 qılə kişvəri rəsmi şəxson bəpe xərobəkə planon vədə huşinə bıbun.

Xəbə ome zinə həm Pakistonədə Əfğaniyə miqranton vəzyəti barədə bıə iclosi xoto İroni kişvər vəzarətxonə nizomi-intizomi muavin Husein Zolfəğari həm bə Pakiston səfərış karde.