Pars Today

İroni nat vəzir votışe: İron nati istehsali kam karde mıddəti ijən dıroz karde bəyaniyə ğəbulış karde iyən bənə Opek təşkilati uzvon və ğeyri Opek kişvəron har ruj detosə 1 milyon və 200 həzo barl nat ixrac bəkarde.

Bə İrna raporti əsos Bijən Namdar Zənqəne Viyanaədə bıə Opek təşkilati və ğeyri Opek kişvəron nat vəziron iclosədə ım xəbə elan karde bəpeştə ihən təkidış karde ki nati vujurədə ğəralon bəpe siyasi rəftoriku bə kəno bıbu.

Xəbə ome ki ım iclosi cərəyonədə mıəyyən bıə ğərol detosə 9 manqi dəvom bəkarde.

Bijən Namdar Zənqəne Opek təşkilat və ğeyri Opek kişvəron nat vəziron 176-nə iclosədə iştirok karde xoto bə Viyana səfərış kardə be.