İraği Kırdıston məntəğədə Sepah təşkilati bə terroriston həmlə karde əməliyot.
İroni Sepah təşkilat qıləy bəyaniyə vasitə İroni sərhəd, İraği Kırdıston məntəğədə bə terroriston hərbi bazaon həmlə karde iyən çandə əvoni kışte ya zəxmin kardeku xəbəş do.
Bə zinə ruji ım raporti əsos, İroni ğərb və şimal ğərb məntəğəonədə de istikboriyə kişvəron himoyəon anti inğilob və terroriston əməliyoton bəpeştə ki İroni sərhəddiyə ostanon noəmn karde ğəsdışon be, İroni sepah zəminə ğıvvon həm bə çəvon hərbiyə bazon həmləş karde.
Im bəyaniyədə ğeyd bıə: İron vey kərə bə İraği Kırdıston məntəğə notaş doe be ki sərhədondə terroristiyə qrupon fəaliyəti mane bıbun.
Sepah təşkilati zəminə ğıvvə təkidış karde: İroni rəket, bepilot təyyarə və Arteleriya qrupon de komilə məlomaton ım muzduron vırəku xəbə do ki bəpeştə bə çəvon bazon iyən məxfi qohon həmləşon karde ki çəvon film və şikilon mıvcodin.
Sepah təkidış karde ki milli əmniyyət və İroni milləti oromtəti oqəte İroni sepah təşkilati sıə xəte və İraği Kırdıston məntəğə bəpe bə terroriston icozə nıdə ki İroni sərhəddon ətrofədə jıqo terroriston mərkəz və bazaon icod bıbu ta İroni əmniyyəti vədə təhdidon moşahidə kəmon.
