Qeneral mayor Səlami: deşmenon hisob-kitobonədə səhvon İroni mudafiə strateqiya bə həmlə əvəz bəkay.

İroni sepah təşkilat bə İroni həmlə zərfiyəton işorəş karde və votışe: mudafiə strateqiyaku rə bə həmlə vəziyət əvəz bey qıləy həğiğəte ki həmişə İroni hərbion əqə bəy ehtiyocışon bıbu əncom bedan.

Bə Əlaləm raporti əsos qeneral mayor Səlami Fars dıyoədə İroni 3 qılə cəzirəon iyən dıyo hərbi ğıvvon bazaonku diyə karde cərəyonədə bə sepah təşkilati komilə hozzoətəti iyən informassiya və məlomat cəhəto əhatə işorəş karde və votışe: Fars dıyo iyən Hurmuz tanqə nə İroni xoto bəlkəm dınyoədə vey muhimme iyən çı dınyo iğtisodi qıləy stratejikə vırəy.

Əv Fars dıyoədə xarıci ğıvvon huzuri noəmnion ziyodəkə və məntəğə əmniyyəti vıloəkə amil zınəş be.

Qeneral mayor Səlami Fars dıyoədə Amerkə hərbion dəstqir karde iyən Amerkə bepilotə cəsosə təyyarə məhv karde çı İroni milləti zumandəti nımonə zınəş be və votışe: dıyo, dıyo nəğliyot, enerji, ticarət və dıyo əmniyyəti oqəte xoto İroni komilə əhatə bois bıə ki məntəğə kişvəron əmniyyəti hiss bekon və islam dınyo sabit ğədəm bemando.