Ruhani və İlham Əliyevi miyono telefoni rabitə.
İroni prezident Tehron və Boku miyono həmkari və əloğəonış dustanə, bənə bıvə və bə inkişofi tərəf hisobış karde.
Həsən Ruhani zinə de Azərbaycan Respublika prezident İlham Əliyev telefoni rabitə vasitə Ğəbonə İddi təbrik votışe və təkidış karde ki de Boku-Tehroni səy-cəhdon 2 qılə kişvəri miyono muğavilə iyən həmkari sənədon bə nəticə berəsi.
Ruhani, Azərbaycan Respublika kişvəri bənə İroni dust və bıvə kişvər hisobış karde və xatircəm be ki ım dustiyəti çımiku vəy bə inkişof və hevujəti tərəf hərəkət bıkə.
İlham Əliyev həm ım telefoni rabitədə Ğıbonə İddi bə İroni dıvlət və millət təbrik votışe iyən İron və Azərbaycan Respublika miyono çokə əloğəonış 2 qılə kişvəri ali rəsmi şəxson ciddi və dıvıminə dustanə həmkarion sayədə hisobış karde.
Azərbaycan Respublika prezident omidvar be ki be nezonədə de İroni prezident vindemon bıkə və təkidış karde ki 2 qılə kişvəri miyono həmkari və əloğəon hukmən ome zəmonədə çımiku vey bə inkişof bərəse.
Xəbə ome zinə, Nəxçivanədə İroni tojə sərkonsol, Seyed Əhməd Huseini həm de ım məntəğə ali məclesi rəis Vasif Talibev vindemon və muxtəlif sahəonədə bə 2 tərəfi həmkarion inkişofi təkidış karde.
