Seyed Həsən Nəsrullah: işğaliyə Fələstinədə omə səçın de sioniston xuni bərpo bəbe.
Livani Hezbullah qrupi rəis bə Beyrut sionist rejimi tojə təcavuzi reaksiya nışo doe xoto Livani həx işorəş karde və bə İsrail rejimi rəsmi şəxson xətob votışe: işğaliyə Fələstinədə ome səçın de şımə xuni bərpo bəbe.
Bə Əlaləm kanali raporti əsos Seyed Həsən Nəsrullah Livani Ərsal məntəğə ozodəti sorəqardışədə cəmaəti əzəmətinə iştiroki bə sionist rejimi tojə təcavuz reaksiya nışo doe hisob və əlovəş karde: Ərsalədə əməliyot terroriston vədə muğavimət və Suriyə ərtışi vey muhimmə baxş be.
Livani Hezbullah hərəkati lider Benyamin Netanyahu əsliyə hədəfış səçınədə səbarzəti zınəş be və votışe: İsrailədə partiyaon adət ıme ki de məntəğə milləton xuni ıştə səçıni bərpo kardən əmmo əvon bəpe oğo bıbun ki ome səçın bənə dəvardə dıvrani ni.
Nəsrullah bə Livani əleyh sionist rejimi tojə həvo təcavuzi xətərnok və xəbisanə zınəş be və təkidış karde; Hezbullah hiç faxt jıqonə təcavuzon tikror bey icozə ni bədoy və çımi bəpeşt çəvon bepilotə təyyarəon məhv bəkamon.
Livani Hezbullah hərəkati lider Amerkəş İŞİD terrorçiyə qrupi icodəkə elanış karde ki de çəvonku himoyəon dəvom doe Suriyə və İrağədə əvoni ijən bəji oqəte pidəşe.
Seyed Həsən Nəsrullah Suriyə Həmah və Edleb ostanon ome rujonədə ozodətiku xəbəş do.
