İron və Hindistani miyono ticari əloğəon zərfiyət; Çabəharədə mıştərəkə laiyihəon.
Hindistani xarıci vəzir ım kişvər və İroni miyono mıştərik iğtisodi tojə iclosi bəpeştə votışe: 2 tərəf bə Çabəhar məntəğədə mıştərək laiyəhon icra karde təkid kardəşone.
Bə İrna raporti əsos həminə iclosədə ki Tehronədə bərpo be İroni xarıci vəzir, Hindostani xarıci vəzir iyən İron və Hindustani siyaso, iğtisodi, ticari, banki və nəğliyot təşkilatonku heyəton iştirok kardışone.
Hindustani xarıci vəzir "Sobrahemaniyam Cişankar" ijən de İroni xarıci vəzir Muhəmməd Cəvad Zərif vindemon karde cərəyon 2 tərəfi və məntəğə iyən beynəl xalğ mıvzoon barədə muzakirəş karde.
Əv pidəşe ımruj de İroni prezident və İroni milli əmniyyət aliyə şura sərkatib həm vindemon bıkə.
Tojədən Hindostanədə İroni səfir Əli Çeqini bə İrna aqentiyəti votışe: İron və Hindostani miyono iğtisadi həmkarion zərfiyət anədəy ki 2 qılə kişvər karde bəznen bə 40 milyard dollar ticarət mıbodilə və həmkarion miğdor dast peydo bekon.
