Zərif: Avropa bəpe Amerkə ğeyri ğanuni sanksiyaon vədə sukut nıkə.
İron və Xorvatiya xarıci vəziron zinə telefoni rabitə cərəyonədə İron və dınyoədə koronavirusi behroni oxonə vəziyəti barədə sohbət kardışone.
Bə İrib raporti əsos Muhəmməd Cəvad Zərif və Qıradan Qerliç Radman bə ım virusi Arəku barde meydonədə beynəl xalğ həmkarion təkid kardışone.
Zərif de İron həmdardi və həmkari karde xoto Xorovantiya rəsmi şəxson mesaji bə təğdiri loyiğ bə hisobış varde və təkidış karde ki Amerkə anti İron sanqsiyaon rəsmi nızınə barədə dınyo xusosi Avropa bəpe be qınohə insonon marqi vədə mane bıbu.
Xorovantiya xarıci vəzir həm ki çəy kişvər Avropa i bemon şura ım dıvrə rəis- de koronavirusi mubarizə barde sahədə de İron ijən həmdardiş karde və ım beynəl xalğ virusi vədə ciddi mubarizəon dəvom peydo kardero bə beynəl xalğ həmkarion təkid kardışe.
Əmmo Pakistani i minə vəzir Umran Xan həm zinə anti İron təhrim-sanqsiyaon ləğv bey tələbış karde və votışe: Amerkə anti İron sanqsiyaon bənə anti bəşəriyət cinoyəti mandedə ki bəpe rə ləğv bıbu.
Danimarkaədə İroni səfir Əfsanə Nadipor həm tojədən qıləy məğalədə bə dəvodamon və səhiyyə təchizaton dast peydo karde xoto məhdudiyəton bənə insonə həxon poymol karde nımunə bə hisobış varde.
Tojədən İroni islamiyə şura məclesi jenon kamissiya rəis Fəride Oladğubad həm Amerkə anti İron sanqsiyaon nəticədə səhiyyə sistemədə bəzi məhdudiyətonış bə İron kinə və jenon əleyh bıə təhdid bə hisobış varde.
