Amerkə siyohpustə şəhrvandi ğətli barədə İroni Yolə Rəhbəri sıxənon dınyoədə muntəşir be.
İroni Yolə Rəhbəri zinə ruji sıxənon ki İroni nizomi təsisəkə Mərhum İmom Xomeyni(r) rehlət sorəqardışədə pəxş be dınyo mediyaon diğğəti bəştə tərəf cəlbış karde.
İroni Yolə Rəhbər ıştə nıtğədə Amerkə anti bəşər həxon və 2 dimə siyasəton tənğidış karde ki oşko milləti ğətliam kardedən və ıştə rəftoriku peşmon bıdə nin.
Həzrəte Ayətullah Xamenei ıştə zinə ruji muhimmə nıtğədə bə İmom Xomeyni(r) anti istikbor xusosiyəton həm işorəş karde.
Zinə həmzəman Çin, Pakistan və Əfğanıstan həm bə İmom Xomeyni(r) şəxsiyəti ehtırom karde mərasimon bərpo be.
Pakistani vəhdət məclesi yol Əllamə Raca Naser Əbbas, Çinədə İroni səfir Muhəmməd Keşavərzodə və Məzar Şərif elmiyə hovzə yolə Muhəmməd Şucae Rəhimi zinə ruji mərasimonədə bə İmom Xomeyni(r) nəzədə bıə siyasi əğidə iyən tədbiron xususi zalimə hakimon dastiku mısılmonon çoknə xilos bey işorə kardışone.
