Anti İron sanksiyaon oqordoniyero Amerkə səy-cəhdon İron iyən Rusiyə tərəfo məhkum be.
İron və Rusiyə xarıci vəziron muavinon bo əmniyət şura ləğv bıə sanksiyaon ijən oqordoniye Amerkə Anti İron siyasəton ğeyri ğanuni bə hisob varde kənoədə əy məhkum kardışone.
Maskvaədə İroni xarıci vəziri muavin Seyd Əbbas İrağçi de Rusiyə xarıci vəziri muavin Serqey Riabkofi vindemoni cərəyonədə 2 tərəfi əloğəon, reqional həmkarion iyən nəzərədə bıə co mıvzoon barədə sohbət iyən muzakirə kardışone.
Ətomiyə saziş və cəy oqəte iyən tam icra kardeyro uzvon tərəfo səy-cəhdon dəvom çı İrağçi-Riabkofi sohbəton co mehvər be.
İroni xarıci vəziri muavin iyən Rusiyə xarıci vəziri muavin ijən əmniyət şura ləğv bıə sanksiyaon sənibəton oqordoniyero Amerkə Anti İron tojə siyasəton ğeyri ğanuni bə hisob vardışone.
İrağçi de İroni xarıci vəzir Muhəmməd Cəvad Zərifi bə ico dəvardə haftə bə Maskva səfərış karde.
