Ərəbıstonı Ğətif şəhrədə şeyx Nemer Bağır Əlnemerı zoəşon dastqir karde.
Xəbəriyə mənbəon,Ərəbıstonı məşhurə şiə ruhani şəhid Şeyx Nemer Bağır Əlnemerı zoə,Şeyx Huseyn Nemerı dastqir kardeku xəbəşon doə.
Xəbəriyə mənbəon,Ərəbıstonı məşhurə şiə ruhani şəhid Şeyx Nemer Bağır Əlnemerı zoə,Şeyx Huseyn Nemerı dastqir kardeku xəbəşon doə.
Şeyx Huseyn Nemr 2 ruj çimi bə nav Ərəbıstonı şərğ Ğətifı şiə ənıştə məntəğədə kəy dıləku dızdiyə bedə və çəy tale naməlomə vəziyyətdəy.
Ərəbıstonı əmniyətiyə ğıvvon dəvardə manqonədə şəhid Şeyx Nemer Bağır Əlnemerı ailə uzvon mincumlə çəy 30 sorə bıvə Əmin Bağır Əlnemerı dastqir kardən.
Səudiyə ğıvvon ki bə məmləkəti əmniyyət təşkilati rəisi vobəstə hestin 2 haftə çimi bə nav bə Əlehsa məntəğə yolə alim sed Haşim Əlşəxsı kə hucum bardən və əy dastqir kardən.
Ərəbıstonı məşhurə ruhani Şeyx Nemer Bağır Əlnemer 2016 minnə sori yanvarə manqi 2 minnə ruji Səudiyə rejimiku tənğid karde xoto edam be və ım hərəkət mıxtəlif məmləkətonədə bıə mıslmonon yolə məhkomiyətəndə dim bə dim be.
Ələvamiyə şəhr iyən Əlğətif məntəğə sakinon şiə be xoto Ale Səud rejimi zılm və 2 dimə rəftoronədə dim bə dim bedən və Səudiyə hərbiçion bə ım şəhr,hucumonədə desbə ısət çı məntəğə sakinonku çan sa nəfər kıştə və yarəjə bən iyən çandə sa nəfər həm mədəniyə fəaliyəton xoto dastqir bən .
