İraği cənub hissədə bə Amerkəvıjə hərbion kərvoni hucum bə.

İraği mediyaon,İraği cənub hissədə Amerkə hərbiçiyə kərvoni hədəf qəteku xəbəşon doə.

İraği mediyaon,İraği cənub hissədə Amerkə hərbiçiyə kərvoni hədəf qəteku xəbəşon doə.

Bə Saberin niyoz telqramiyə kanali xəbon əsosi Amerkə silahinə ğıvvon qıləy himoyə bıkə kərvon zinə İraği cənub Bəsrə şəhrədə hədəf qətə bə.

Desbə ısət heç qrup çı hucumi məsuliyətış bə qi qətə ni.

Dəvardə manqonədə Amerkə hərbiçionru himoyə bıkə təchizaton həml bıkə kərvon ro kənoədə noə bə bombaon tıpeədə hədəf qətə bən və ım kərvonon umumən ğərb hissədə Suriyə sərhəd ya cənub hissədə Kuveyt sərhədonku bə İrağ daxil bedən.

İraği şəhrvandon və qruponku xəylion Amerkə terroristə ğıvvon İrağiku xaric be tələb kardən və ım məmləkəti parlament həm ım ğıvvon xaric kardeyu qıləy planış bə imza rusniyə.