Rəketinə hucum bə Bəğdad.
Bə bəğdadı Əlxezra nomo bıə diplomat ənıştə məntəğə de rəket hucum bedə.
Bəğdad şəhriku bə telerədyo aqentəti xəbon əsosi bəğdadı Əlxezra nomo bıə məntəğədə zinə etirazinə hərəkəton de xoninə holəti təziği jiyədə ğəror doe bəpeştə ım məntəğə zinə şanqo de rəketinə hucum dim bə dim be.
bəğdadı Əlxezra məntəğə əsosə təşkilaton iyən xariciyə diplamaton vırəy.
irağıjə rəsmi şəxson elanışon kardə heç nıbo de 4 qılə rəketi bə Əlxezra məntəğə hucum bə ki ım rəketon həm paytəxti şimal Bələdiyə və Fələstin nomo bıə xiyabaniku ğandə bə.
ım hadisə can saat çimi bəpeştə təşkil bedə ki 7 nəfər əcumlədə 5 qılə etirazinə mitinq təşkil doə kəsonku ki sədr qrupi rəhbər Muğtəda Sədrı tərəfdaronku bən əmniyyətiyə ğıvvon hucumədə kıştə bedən.
Muğtəda Sədr iraği məmləkətdə şərayeton bə ğaidə eğande tələb kardedə.
iraği məmləkətdə polis iyən məmləkəti daxili koon vəzorətxonə təsdiğış kardə ki çanqılə rəket bə foğe əmniyyətiyə məntəğə qıniyə və desbə ısət çı hucumi hədəf və mumkin bıə tələfati barədə heç qılə xəbəş doə ni.