Rəisi: İron və Erməniston torixi marzon, məntəğə əmniyyət və inteqrasiya zəminəy.

İron İslam Respublika prezident votışe: İron və Erməniston torixiyə marzon, məntəğə rifoh, inteqrasiya iyən əmniyyəti zəminə icodəkəy, və Tehron cəhdış heste həmmə zəminəonədə bə məntəğə stabiləti iyən rifoh mənafe cəhəto həmkoətion dəvom bıdə.

Bə İroni prezidenti məlumatərosnə raporti əsos, Seşəmbə, və bə Ermənistoni iminnə vəzir Nikol Paşiniyani telefoniyə təmasi cəvobədə, İron İslam Respublika prezident, Sed İbrahim Rəisi məntəğədə daveon dəvomiku ıştə niqəroni nışoş do iyən votışe: Ğəfğaz məntəğə vey məxsusə şəroyet dəvardedə, və de təəsufin tosə bə ısət, bə ım məntəğə oroməti oqardəş ni.

İroni milliyə əmniyyəti ali şura rəis məntəğədə bə sionist rejimi nıfuzi işorəş karde iyən votışe: ım işğalçiyəti rejimi iştirok həmmə mənətğəro əcumlə çəy mizbononro, anti əmniyyət və təhdid bə hisob omeydə.

Rəisi ijən votışe: İron həmişə Ğəfğaz məntəğədə təhəvulaton dumoədəy ijən təsdiğış karde: məntəğə, co qılə canqi tovış ni.

İroni icraiyə ğıvvə rəis təkidış karde: məntəğədə əmniyyət icod bey, İron İslam Respublikaro vey muhimme.

Əv ijən əlovəş karde: otəşbasti 3tərəfiyə bəyoniyə imzoəkəyon bəpe bə ım bəyoniyə maddon pobən bıbun, və məntəğə daveon icod kardeyədə, harcurnə hərəkətiku diyəro bımandon.

Nikol Paşiniyan həm Ğəfğaz məntəğədə oxonə təhəvulatonku qıləy raportış do iyən votışe: İron İslam Respublika həmişə məntəğə bıhranon və daveon peqəteyədə, təsir iyən sazəndə rol ifoəkə be.