Kənani: Avropaədə bıə bəzi insoniyə həxon iddioəkəyon ğeyloğal, çəvon be ğanun bıey nışonəy
İroni xarıci vəzarətxonə sıxənəvot, Nasır Kənani İnqilis rejimi ğiləğal və Avropaədə bəzi insoniyə həxon iddioəkəyon Londoniku himoyə kardey, çəvon be ğanun bey nışo do.
Dəvardə Şənbə İroni məhkəmə mediya mərkəz elanış karde: Əlirıza Əkbəri hıkm, ki 2 qılə İroni-İnqilisi təbə soybe icro bıə. Əkbəri İnqilisi dıvləti kəşfiyot təşkilotiro cəsusi royku bə daxıli və xarıci əmniyyəti ələyh hevujə hərəkəton iyən fəsod fel ərz mıttəhəm və bə edam cəzo məhkum bıə be.
Bə Fars aqentiyəti raporti əsos, Dışəmbə şəvədə Nasır Kənani İnğilisi cəsus Əlirıza Əkbəri edami hıkmi icro bey və bə həminə hıkm Britaniya dıvləti reaksiya və həmçınin ım kişvəri parlamentədə bıə İnqilisi xarıci vəziri anti İroni sıxənon dumoədə, qıləy Tvitti ğolibədə nıvıştəşe: İnqilisi hərəkət ki bə İron İslom Respublika milli əmniyyət təcavuzış kardə de İroni məhkəmə və kəşfiyoti ğoymə cəvom dim bə dim bıə.
Əv ijən əlovəş karde: İnqilis rejimi sədo və Avropaədə bəzi insoniyə həxon iddioəkəyon Londoniku himoyə kardey,çəvon be ğanun bey nışo do.
İroni diplomatiya sıxənəvot həmçınin co qılə Tvitterədə əlovəş karde: İnğilisi rejim ki çəy krali ailə uzv, 25 nəfər beqınohə insoni kıştey bənə şahmoti fiqur məhv kardey vindeydə və ım məsələdə həm həyoş ni, de həmonə kəson bə ico ki ım canqi cinoyətədə ıştə çəşon dəbastən, insoniyə həxon barədə bə co kəson pənd doey loyiğışon ni.
Heri şahzodə SPARE nomo bıə ıştə xotirə kitobədə nııvıştəşe: Milodi 2012 minnə sorədə ki 2 minnə kərəro bə Əfğanıston şə, 6 qılə həvoiyə əməliyoti cərəyonədə 25 nəfər Talebani uzvon kıştəşe. əv ım kitobədə çəvonku bənə "şahmoti fiqur" yodış kardə ki "səfhə səku məhv bıən".
