De Çin iyən Rusiyə bə ico bıə İroni stratejikə həmkoətion deşməni dılədə tars icodış kardə
İroni kəşfiyot vəzir votışe: bə şərğ diyə karde iyən de hamsuyə kişvəron, Çin və Rusiyə bıə İroni əktiv iyən stratejikə həmkoəti, deşmoni dılədə tars icodış kardə.
Bə Fars aqentiyəti raporti əsos, Huccətullah Seyd İsmail Xətib tojədən qıləy iclosədə bə deşmonon anti İron planon işorəş karde iyən votışe: deşmon aqah bıbu ki deştə həmmə cəhdon qırdə karde həm bə İroni nizomi zərbə varid karde əzı ni və har ruj məğlubiyət iyən zəlil bey təmi İroni millətiku çəşedə.
İroni kəşfiyot vəzarətxonə yol təsdiğış karde ki mediya canqi bə islom və dini ələyh ko kardedə və İroni nizomi ğudrət noğtəon məhv kardış pidə.
Tojədən İronədə bıə Çini səfir bə ın kişvər İroni prezidenti səfəri işorəş karde və votışe: ım səfər 2 qılə kişvəri miyono bıə həmkoətionku tojə fəsli binovrəy.
Xəbəon jıqo hikayət kardedə ki bə Çin İroni prezidenti səfəri kənoədə İroni xarıci vəziri siyasi muavin Əli Bağıri Kəni və Çini xalğ Respublika vəziri muavin Majaoşo həm anti İron sanksiyaon peqətey barədə sıhbət kardışone.
