İroni Yolə Rəhbər: İronofobiya əsliyə illət Fələstin millətiku İroni islomi nizomi rə iyən oşkoə himoyəonin
İroni Yolə Rəhbər hamiyəşe: islomi nizom bə hiç kəsi nəzə diğğət nıkarde holədəd iyən Fələstin millətiku oşko mudafiyə iyən himoyəon sayədə har imkoninə royku bəvon komək bəkay.
Həzrət Ayətullah Xameni ımruj və bə məbəs idə ruji xoto de nizomi rəsmi şəxson, nımoyəndəon, islami kişvəronku səfiron, mehmonon və Kərimə Ğıroni beynəlxalğ mısobiğədə iştirok kardə kəson vindemoni cərəyonədə bə Fələstini məzlumonku İroni oşko və rə mıvğiyət qəte iyən nəzəon işorəş karde və hamiyəşe: de təəsufi, həmonə dıvləton ki ıştən həm bə Fələstin milləti komək kardeyro məsuliyətşon heste de islom dini dışmenon İronofobiya siyosəti həm sədo bıən.
Həzrət Ayətullah Xameni Fələstin məsələ çı islami umməti muhimmə zəxm iyən zəifə noxtəon bə hisobış varde və votışe: islom dınyo təmşoəkə çəşon vədə qıləy millət iyən kişvər har ruj oxoş nıbıə zılm və xəbisə şərrə rejimi cinoyəti jintonədə mandəy və islomi kişvəron de anədə sərvət iyən zərfiyət-zu fəğət diyə kardedə və hətto bəzi ın kişvəron xususi tojədən de ın xunpeşumə rejimi bə ico mandən və i bıən.
İroni Yolə Rəhbər əlovəş karde: vəziyət jəğo bıə ki Amerkə, Fransə iyən çand qılə co kişvəron de mısılmonon mışkilaton həl kardey iddio islpm dınyo koonədə həl kardey həxi boştə zıneydən vəol ın ki ıştən ıştə kişvəronədə bıə problemon həlliku bezu iyən damondə hestin.
Həzrət Ayətullah Xameni təkidış karde: əqə həmonə i minnə rujiku islomiyə dıvləton bə xəyrtələbon sıxanon əcumlə Nəcəfi alimon quşışon doə be iyən işğalçiyə rejimi vədə mıhkəm mandə bıə bin ımruj hukmən Asiya ğərb məntəğə vəziyət jığo nıəbi və farğış be iyən islami ummət i və muxtəlif cəhəto vey zumand be.
İroni Yolə Rəhbər ijən bə besəti təlimi oqarde, i bemon iyən mısılmonə milləton vəhdət və islomi dıvləton həğiği əloğəon(nə zoheri) çı islomi umməti qırd mışkilaton hələkə ro bə hisobış varde.
Həzrət Ayətullah Xameni ijən Tırkiyə və Suriyə tojə yolə zəlzələdə anədə qəbon bıə kəson və ziyononku ıştə təəsufi elanış karde və əlovəş karde: bənə Fələstin siyosi məsələon əhəmmiyət iyən Amerkə mıdoxiləon bəpe har şəroyetədə diğğət mərkəzədə bıbu və islomi umməti çəşi vədə bıbu.
