Amerkə jenon film beynəlxalğə festivalədə, İroniku "Sona" nomo bıə filmi iştirok
Amerkə jenon film beynəlxalğə 7minnə festivalədə, "Sona" nomo bıə kırtə film bənə İroni coyli nımoyəndə rəğobət kardedə.
Amerkə jenon film beynəlxalğə 7minnə festivalədə (CASCADİA) Sona nomo bıə kırtə film de Zəhra Tıkmənlo rejissori və senari moəlif bənə İroni coyli nımoyəndə rəğobət kardedə.
Bə İrna raporti əsos, Sona ıştə qlobal festivalon iştiroki dəvomədə bə Amerkə jenon filmi beynəlxalğə 7minnə festival roy peydoş kardə.
Amerkə Belinqhamədə (pickford) nomo bıə filmi mərkəzədə Milodi 2023 minnə sor Mayə manqi 4 tosə 7 minnə rujiku Amerkə jenon film beynəlxalğə festivolədə həmmə dınyoku jenon rejissori vıjniyə bıə əsəron bə nımoyeş doe bəbe.
Im festival Amerkə əcumlə kamə festivalon iborət bıdə ki bə jenon iyən jenon diyəon və sədoon filmon ixtisosışe.
Im festivali co qılə əsəron, Amerkə, Kanada, Fransə, Məcariston, İnqilis, Tayvan, Ğırğizıston,Britaniya, Slovoni və Məğdoniyə kişvəronku vıjniyə bıən.
