Rakitiç:çəmə oqardemon bovə kardənin nıbe.
İvan Rakitiç:çəmə oqardemon bovə kardənin nıbe.
Barselonə əslış Xorvatiyəku bıə,əmmo İsveçrə Mohlin şəhrədə moəku bıə hafbək,İvan Rakitiç çın klubi bəsə Pari San Jermenisə bıə səbarzəti və çəvon bə Çempiyonon Liqə co devrə ovaştey,qıləy bovə kardənin nıbə çi zınəşe.
Bə"Varzeshe se" məlumati əsos,Barsa Çempiyonon Liqədə de PSJ sıftənə hənəkədə 0:4 dəboxteşe.əmmo ıştə meydonədə ım məşhurə Fransəvıjə klubış de 6:1 hisobi bardeşe.ım çı Çempiyonon Liqə tarıxədə iminə kərə be ki,sıftənə hənəkədə de 0:4 hisobi məğlub bıə qıləy klub,oxoyədə bə peşonə mərhələ ovaşto.
Əve Rakitiçi ım koş bovə kardənin nızıneşe.Əy voteşe:bovə kardey mumkin ni.ısət hənəkiku 15-20 dəyğə dəvardə,əmmo ijən az bov kardedənim ki,əmə bə peşonə mərhələ ovaştimon.bəştə havarkeş və tərəfdoron təşəkkur kardedəmon.
