Tehroni cımə nımoji xətib: Həzrəte İmom Huseyn(ə)-i nom iyən yod bə ictimo veyə vəhdəti boyis bəbe
Tehroni cımə nımoji xətib təkidış kardə: Həzrəte İmom Huseyn(ə)-i nom iyən yod ictima veyə vəhdəti bois bəbe iyən ım boydəğon jintonədə, dılon və fikon bə yande anqıl qıniyə bəbe.
Zinə Tehronədə Aşura cımə zuhri siyosi və ibodi nımoj Tehroni universitədə və bə Huccətul İslom Muhəmməd Cəvad Hac Əli Əkbəri vositə bərpo bıə.
Bə İrna raporti əsos, de işorə bə Aşura ruj iyən cımə ruji həmzəman, Tehroni cımə nımoji xətib votışe: Həzrəte İmom Huseyn(ə)-i yod iyən nom və Kərbəlo şəhidon yod həmişəro bə dılon mənəviyət iuyən tərovət dodə və bois bəbe ki ictima vəhdət vey bıbu və ım boydəği jintonədə dılon və fikon bə yande anqıl qəte.
Hac Əli Əkbəri Aşura ruj, peymonon tojə kardey ruj zınəşe və əlovəş kardə: ımruj Həzrəte İmom Huseyn(ə)-iro peymonon tojə kardey ruje. İroni əzizə millətiro qıləy roy ki oj bıə, izzət, iftixor, bə Xıdo bandəçiyəti oqardey, bə Ğıron və Xıdo Rəsul(s)-i ittrət çanq jəey roye.
Tehroni cımə nımoji xətib ijən bə Kərimə Ğıroni be ehtıroməti kardey işorəş kardə və votışe :ım İslomi deçmonon botil və xomə xiyole ki pidəşone dinon miyono 2ğotbi icod kon və muvəffəğ nıbıə boçi ki mısılmonon bə həmmə osmoniyə kitobon ehtırom kardedən.
Əli Əkbəri ijən təsdiğış kardə: ehanə pidəşone ki İslomofobiya rəvoc bıdən, ıştən məntəğədə İslom və Ğıroni veyə rəvoci bois bəbe və ehanə pidəşon bıbu de sionisti vositə Fələstini milləti nomi təsir bınən, bəpe bıznon ki ımruj çəvon məhv bey həmmə dınyoədə pevlo bıə.
Tehroni cımə nımoji xətib ijən Mersadi əməliyoti sorəqardışi yolqətey bəpeşt votışe: ım əməliyot mınofiğonro qıləy dars be və həminə zəmonədə oşko bıə ki mınofiğon vey bevəcə vəziyətədə ğəror qətəşon be.
Hac Əli Əkbəri ijən Dəməşği Zeynəbiyədə bə Tıpemoni hodisə işorəş kardə və votışe: ım kurə koon bə hiç nəticə nibərəsən ım hərəm iyən sərzəmin çand həzo dıl doə aşiğış heste ki ıştə sə iyən con bə ım hərəmon fıdo bəkan.
