Pars Today

İroni Zob Ahən futbol kamanda zinə de 2 qılə qoli(2-1) Uzbəkistoni Bonyadkar nomo bıə kamandaş məğlub kardə ijən Asiya futbol çempiyonatədə bə co mərhələ ovaşteyro bə çokə şərayet rəse.

Zinə şəv ijən Asiya çempiyonat ve liqa 4 minə haftə riğabəton və hənəkonədə ijən 3 minə qrupiku İroni Zob Ahən kamanda İsfəhanədə muvəffəğ bıə Ozbəkistoni Bonyadkar nomo bıə kamandaş məğlub bıkə.

Zob Ahən çımiku bə nav ijən ım hənəkon 3 minə haftədə həm Ozbəkistoni kişvərədə muvəffəğ bıə be ki Bonyadkarış məğlub bıkə.

Isət Zob Ahən 7 imtiyozış heste və bə Asiya çempiyonati co mərhələ ovaşteyro veyə omidonış heste.

Çımiku bə nav ijən İroni co nımoyənəon hənəkədə həm İroni İstiğlal kamanda Ozbəkistonədə çın kişvəri Lokomotiv nomo bıə kamanda vədə bə bərobər nəticə rəsış bıə(1-1).

İstiğlal həm Asiya çempiyonati i minə qrupədə de 7 qılə imtiyozi bə co mərhələ ovaşteyro mınosibə vəziyətış heste.