Dibala,qıləy nuyə astovə!
Apr 12, 2017 15:34 Asia/Tehran
Dibala,qıləy nuyə dəvəşə astovə!
Çımi bənav Paolo Dibala çandə kərə elanış kardəbe ki,dılış ni əy de messi mığoyisəkəyn və çəy çı Barsa mığobilədə bıə dubli bədiqə,nışonış doe ki,əv bə qıləy məxsusə istedodi soyb bıə fitboliste.
Bə"Varzeshe se" sayti məlumati əsos,zinə şəvi Yuventusi de Barselonə matçi bino bıey bənav,stadyonədə Yuventusi tərəfdoron tərəfiku "həni çempiyonəti faxt rəsə" şuaron bə quş rəseydəbe.
Zinə şəvi hənək qıləy fırsət be ki,Dibala bənə qıləy dınyo tojə superstari bo vəomə soronədə bo telıə ləpi bə dast vardero,ıştəni bo Neymari qıləy rəğib elankəy.Dibala zinə şəvi vey təsirəkə rolış hestebe və bə Barsa bə dıqlə qolış je.
