Fransə xarıci vəzir: bə İordan ru ğərbi sahilədə israili həmləon ğəbul bıənin ni
Fransə xarıci vəzir İordan ru ğərbi sahilədə bə Fələstinıjon ələyh sionistə qədə şəhron nıştə kəson həmlə ğəyri ğəbul kardənin zınəşe və bə Ğəzzə otəşvəsi muzakirəon ehtımoliyə təsiri barədə çəşnaviş do.
Bə İran Peres aqentiyəti raporti əsos, işğoli ğərbi sahilədə bə Ceyt di sioniston həmləku 1 ruj bəpeşt, Fransə xarıci vəzir, Stefan Sejorne votışe: har qılə hərəkət ki bo otəşvəsi sazışiro muzakirəon prosessi təhdid bıkon, ğəbul kardənin ni.
İ Bıə Milləton Təşkiloti huğuği ofisi sıxənəvot, Raviyana Şəmdasani həm Ğəlğiliyə şəhri nezədə bə Ceyti di sioniston qədə şəhr nıştə kəson həmlə iyən Fələstinıjon maşinon və kəon otəş jəey dəhşətin zınəşone.
İ Bıə Milləton Təşkiloti bəşər həxon ofisi sıxənəvot təkidış kardə: vey muhimm iyən diğğət kardənine çi ıme ki ım həmlə fərdi nıbe və ğərbi sahilədə qədə şəhr soxteyədə israili siyosəti sərostə nəticə bə hisob omeydə.
