Pokistoni İslomi cəmaət: Livanədə sionist rejim de Amerkə və Britaniya himoyə cinoyət kardedə
Pokistoni İslomi cəmaəti partiya rəhbər: bə Fələstin iyən Livani milləti ələyh sionist rejimi canqi cinoyəton vədə dınyo iştimoiyəti sukutiku tənğidış kardə və votışe: bə Livan israil rejimi təcavuz de Amerkə və Britaniya komilə himoyə icro bıdə.
Bə İrna raporti əsos, Pokistoni İslomi cəmaəti partiya rəhbər Hafiz Nəim Əlrəhman sionist rejimi dəhşətinə həmləonədə çand sa Livani milləti şəhid kardey reaksiyaədə əlovəş kardə: Ğəzzədə HƏMAS-iku sionist rejimi təhğiromizə məğlubiyəti bəpeşt, ım rejim betədbirə hərəkətədə de Amerkə və Britaniya himoyə məntəğədə canqi hevujəti dumoədəy.
Pokistoni İslomi cəmaəti partiya rəhbər ijən bə dınyo iştimoiyəti xitob votışe: aya bə Livani ələyh sionist rejimi təcavuz və çand nəfər şəhid kardey canqi cinoyət bə hisob omeydə ni?
Dışəmbə rujədə sionist rejimi ərtış dəhşətinə həmlə cərəyonədə Livani muxtəlifə məntəğəon bombardımonış kardə.
Bə Livani səhiyyə vəzorətxonə eloni əsos, zinə rujədə bə Livani cənub israili veyə həmləon dumoədə 492 nəfərisə əlovə şəhid iyən 1645 nəfər həm zəxmin bıən.
