Pars Today

İroni prezidentəti 12 minə dıvrə səçıni namzədon 2 minə debat de 6 qılə namzədon huzuri və de siyasi iyən mədəni mıvzoon mehvəriyət zinə İroni Tele-Rədio təşkilati vırədə əncom bıə.

Həminə debatədə 6 qılə namzədon yəni Həsən Ruhani, Ebrahim Rəisi, Mustəfa Ağa Mirsəlim, Muhəmməd Bağır Ğalibaf, Mustəfa Haşımitəba və Eshağ Cəhanqiri çandə siyasi və mədəni mıvzoon barədə ıştə bərnomə və vindemoni debatədə votışone.

İroni 12 minə dıvrə prezidentəti səçıni namzədon həminə debatdə ıştə vindemoni mudafiə ğudrət, milli əmniyyət, İron və islamiyə mədəniyət, xarıci siyasi oləviyəton, elmiyə inkişof, hınə, təlim və tərbiyə keyfiyəti ziyod karde, ətomiyə mıvzo və sanksiyaon barədə elanışon kardə.

İroni 12 minə dıvrə prezidentəti səçıni namzədon i minə debat həm dəvardə haftə cumə ruji yəni Aprili 28 ədə de iştimaiyə mıvzoon bərpo bıə be.

Bə səçıni mərkəziyə kamissiya təbliğat şobə elani əsos 6 qılə namzədon 3 minə debatədə omə cumə yəni Mayə manqi 12 ədə və de iğtisodiyə mıvzoon mehvəriyət bərpo bəbe.