Səudiyyə Ərəbıstoni bə şiəyon zid fitnəqərə hərəkət.
May 14, 2017 15:34 Asia/Tehran
Pakistanı hərbiyə ğıvvon nakonə rəis Əlriyad şəhrədə islamiyə məmləkəton yolon iyən Amerkə iclosış ki ğərore omə rujonədə bərpo bıbo bə şiəyon zid qıləy fitnəqərə hərəkətış zınə.
Qeneral Mirza Əsləmbeyq zinə de ironi pəşto zıvonə rədyo mısohibə islamiyə məmləkəton mincumlə pakistaniku tələbış karde ım nənqinə iclosədə ki ğəror heste de Səudiyyə Ərəbıstonı mudiriyyət bərpo bıbo iştirak nıkən.
Pakistanı milli əmniyyət stratejikə təhğiğat muəssisə rəisi votışe:Səudiyyə Ərəbıston ğəsdış heste jıqonə icloson bərpo kardeədə şiə və sınni miyonədə ixtilaf icod bıkə çunki məntəğədə ale səud rejimi rəhbəron məğlub bıə siyasəton şiə və sınni miyonədə təfriğə icod karde və terroristiyə qrupon mincumlə İŞİD terroristiyə qrupiku tərəfdarəti karde bə.
