Pars Today

İroni kişvəri vəzir votışe: bə oxonə etıborinə parsemonon əsos İroni millətiku 72 faiz nızi cumə ruji səçınədə iştirok bəkan ijən omə 2 ruji mıddətədə ım miğdori ziyod bey ehtımal heste.

İroni kişvəri vəzir Əbdul Reza Rəhmani Fəzli ıştə ixtisosiyə mısohibədə əlovəş kardə: bə 55 milyon nəfər nızi İronədə bo sədo doero huğuği həxonışon heste ijən bə 1 milyon və 500 həzo nəfəri həm icra və nəzorət əkə amilon bım dıvrə səçınədə ko kardedən.

Rəhmani Fəzli bə ım nuktə həm işorəş kardə ki 350 həzo nəfər həm çın intixabati əmniyyəti təmin kardedən ijən votışe: 63429 qılə cəmaəti sədo doe vırə və şobə cumə rujədə mohəyya bıə ki bə 14 həzo qılə nızi ğoti həm səyyare.

Əv təsdiğış kardə ki: sədoon cəmkarde bəpeştə aşmardemoni nəticə bə kişvəri vəzarətxanə iyən bə kanistotsiyə mıhofizə əkə şura vığande bəbe ijən həmmə sədoon qırdə karde bəpeştə bə ğanuni əsos səçıni nəticə kişvəri vəziri tərəfiku elan bəbe.

İronədə prezidentəti 12 minə səçın de şəhron və diyon 5 minə və məclesi miyonə dıvrə intixabat cumə (mayə manqi 19) bərpo bəbe.