Dınyo 102 qılə kişvəronədə çı İroni prezidentəti səçın bərpo bıdə.
-
İronıjon sədoon qırdə karde-cəm kardero zəminəon hozzo bıə.
Xarıciyə kişvəronədə İroni prezidentəti səçıni nizorət heyəti rəis votışe: dınyo 102 kişvəronədə bıə 310 qılə şobəonədə İroni prezidentəti 12 minə dıvrə səçın bərpo bıdə.
Bə İrna raporti əsos Husein Ğəşğavi votışe: Amerkədə 55 şobə, İ Bıə Ərəbon Əmirtiədə 21 şobə, İrağədə 22 şobə və İnqiltərədə həm 12 qılə şobə bo xaricədə bıə İronıjon sədoon qırdə karde-cəm kardero nəzər dəqətə bıə.
Əv bə Kanada kişvəri muxalifət karde ım kişvərədə səçıni dəvoniyə işorəş kardə ijən votışe: Kanada və Amerkə sərhəddonədə şobəoni heste ki Kanadaədə jiyə İronıjon karde bəzne bo sədo doero əyo iştirok bıkən.
İroni xarıci vəzarətxanə məclis və konsuliyə koon muavin bə xaricədə bıə İroni şəhrvandon əzəmətinə huzur işorəş kardə ijən votışe: bo çokə səçıni dəvoniyəro həmmə imkonaton mohəyya bıə ijən səfiron əqə lozim bıbu karde bəznın səçıni mıddəti ziyod bıkən.
