İroni Sepah təşkilati 3 minə raket istehsol əkə fabrika soxtə bəbe.
-
De İroni Yolə Rəhbəri hidoyəton hiç faxt bə İroni əleyh hiçcurnə hərbiyə hucumi icozə ni bədan.
İroni Sepah təşkilati avyasiya şobə fərmondə İronədə çı sepah təşkilati 3 minə raket istihsol əkə fabrika soxteku xəbəş do.
Bə İrna raporti əsos İroni Sepah təşkilati avyasiya ğıvvon fərmondə qeneral mayor Əmir Əli Hacizade elanış kardə: İron be pilotə təyyarə, antınia, elektronik canqon və mudafiə raketiyə sistemon sahədə məntəğədə vey zumandə bəpeə kişvəron cəmədə heste.
Qeneral mayor Hacizadə əlovəş kardə: İronıjə alimon ısət karde bəznın rəketoni istihsol bıkən ki çəy həmmə mərhələon de İroni cıvonə alimon vasitə əncom bıdə.
İroni Sepah təşkilati avyasiya ğıvvon fərmondə ijən bə İroni hərbi və mudafiə zumandə ğudrət işorəş kardə və votışe: kişvəri əmniyyəti və hərbiyə ğıvvon deştə mudafiə ğudrət ijən de İroni Yolə Rəhbəri hidoyəton hiç faxt bə İroni əleyh hiçcurnə hərbiyə hucumi icozə ni bədan.
