Pars Today

Ermənistonədə çı İmom Xomeyni(r) əndişə və nəzəron təsiri barədə elmiyə iclos bərpo bıə.

Bə rəse xəbəon əsos və de İroni unnversiti İronışınasi hissə iyən İroni səfarətxonə mədəniyə baxşi zəhməton həminə iclos de muxtəlifə İronıjon, Erməniyə rəsmi şəxsiyəton və xarıci ğonğon huzuri Ermənistoni paytəxtdə bərpo be.

Natiğon ım iclosədə çı İmom Xomeyni(r) siyasi, iştimai və mənəviyə əndişəon barədə sohbətışon kardə və de işorə karde bə ə Həzrəti əxlağiyə xusiyəton iyən sıxən və əmələdə cəzbəkə fakton ğeydışon kardə ki ə Həzrət çanədə İronədə bə məzhəbi kamə cəmiyəton məxsusən Ermənion himoyə əki.

İrəvani unnversiti İronşınasiyə kursi rəis Vartan Voskaniyan ım məxsusə iclosədə votışe: beynəl xalğ rabitəon iyən kişvəri idarə karde sahədə əxlağ qıləy muhimmə əsl və əsos ki İmom Xomeyni(r) həmişə bəy təkidışon be.