Pars Today

Suriyəku xəbə omə ki fəğət çı Sepah təşkilati i qılə rəketon çın kişvəri Deyrəlzurədə 50 nəfəriku vey Daeşi terroristonış həlok kardə.

Bə Əlaləm raporti əsos həlok bıə terroristonku 6 nəfər Liviyavıjonin.

Çand nəfər çı Daeşi sərkərdəon əcumlə Əbu Asim Əllibi və Əbdulğader Əlforani həm həlok bıə kəson cəmədən.

Hələ çı Sepah təşkilati co 5 qılə rəketon barədə xəbəon muntəşir bıə ni əmmo yəğin har 5 qılə bə hədəf dəğiğ surətədə qıniyə və çəvon barədə detalon məlum bəbe.

İjən Suriyəku xəbə omə ki bə Suriyə Deyrəlzur sepah təşkilati rəkıtiyə hucumi nəticəku Daeşi qıləy aliyə fərmondəon Əbu səəd nomo bıə Ərəbistonıjə terrorist həm həlok bıə.

İroni Sepah təşkilat terroriston tənbı karde xoto bə Suriyə şərğədə Deyrəlzur məntəğədə bıə terroriston fərmondəhon, icma və intihoriyə maşinon soxtə mərkəz və bazaon de 6 qılə Zulfəğar nomo miyonə məsofətədə hərəkət əkə zəmin-zəmin rəketon hucumış kardə.

Im rəketon de İraği sərhədoku dəvarde dəğiğ bə mıəyyən bıə hədəfon qınyə.

Tehronədə tojə terroristiyə hucumi nəticəku ki İroni rujə əqətə milləti 18 nəfəri şəhadət ijən çand nəfəri zəxmin bey boiys bıə be, İroni Sepah təşkilat elanış kardə hiç qılə pokə xuni ru karde be cəvob ni bə mande.