Ronaldo həm çı Messi kabusış tikror karde
Kris Ronaldo həm çı Messi kabusış tikror karde
Zinə şəvi Portuğaliyə milli komandə Rusiyədə dəvordınə bıə Konfederasiyə Kuboki niməfinal hənəkədə çı Çili mığobilədə de penaltiyon vositə dəboxteşe ta Kris Ronaldo həm bənə Leo Messi çı Laroxon mığobilədə məğlubiyyəti təmi bıçaşto.
Bə"Varzeshe se" sayti xəbə əsos,sıftənə kərə dı sor çımi bənav be ki,Çili "Copa Amerika" finalədə çı Arqentinə mığobilədə ğərolış qəte.120 dəyğə hənəki bədiqə rəğibon ıştə zuşon de 5 qılə penalti vositə imtovon kardeşone ki,oxoyədə Çili milli komandə ğalib ome və çı "Copa Amerika" tarıxədə iminə kərə çempiyon be.
Sori bədiqə həm ım senari tikror be və ijən Çili de penalti vositə Arqentinəş məğlub karde.ponə sori 2016-ə Avropə Çempiyonati fəğət ilqə hənəki 90 dəyğə dəvordınə çempiyon Portuğaliyə,zinə şəvi 120 dəyğə 0:0 kardyeədə, vey umuşon hestebe ki,de penalti vositə Çili milli komandə məğlub bəkardeyn.əmmo çəvon ım təsəvvır bə həyğət nırəse və əvon çı Çili şirə bəvon yəni Klaudiyo Bravo vədə məğlub bin.joqo ki,Bravo çı Portuğaliyə 3 qılə penalti bıjəni ləpış oqordıne və demiyən Çili komandə bə final hənəki vəsiğəş kəsb karde.
